တပ်ႉသိုၵ်းၸိုင်ႈတႆး RCSS/SSA ၸတ်းႁဵတ်းပၢင်ၽဝ်ယႃႈမဝ်းၵမ်

ၽူႈမီးပုၼ်ႈၽွၼ်း တပ်ႉၵွင် 672 ၽၢႆႇတႂ်ႈၵုမ်းၵမ် ၶွင်ႇသီႇဢဝ်ၶိုၼ်းၸိုင်ႈတႆး / တပ်ႉသိုၵ်းၸိုင်ႈတႆး RCSS/SSA   ၸတ်းႁဵတ်းပၢင်ၽဝ် ယႃႈမဝ်းၵမ် တီႈၼႂ်းၼႃႈတီႈတူင်ႉၼိုင်  မီးပေႃႈမႄႈၵူၼ်းမိူင်း ၶိုၼ်ႈႁွတ်ႈတင်းၼမ်။

မိူဝ်ႈၼႆႉဝၼ်းထီႉ 27/10/2016  တပ်ႉသိုၵ်းၸိုင်ႈတႆးလႄႈ ပေႃႈမႄႈၵူၼ်းမိူင်း လႆႈႁူမ်ႈၵၼ်ၽဝ် ယႃႈမဝ်းၵမ် ဢၼ်တပ်ႉသိုၵ်းၸိုင်ႈတႆး ၵူတ်ႇထတ်းတီႉၺွပ်းလႆႈ တီႈၵူၼ်းၵႃႉၶၢႆယႃႈမဝ်းၵမ် ၼႂ်းၸိုင်ႈတႆးပွတ်းႁွင်ႇ  ႁူမ်ႈယႃႈၶၢဝ်  23 ထူင် (သႂ်ႇၼႂ်းဢႅပ်ႇသပ်ႉပျႃႇ တင်းၼမ် 253 ဢႅပ်ႇ) ၼမ်ႉၼၵ်းမီး  2,550 ၵရမ်ႇ ၼႆယူႇယဝ်ႉ။

ၵူၼ်းၵႃႉလူင် ယႃႈမဝ်းၵမ် 2 ၵေႃႉ ဢၼ်တပ်ႉသိုၵ်းၸိုင်ႈတႆး တီႉၺွပ်းလႆႈ ၸိုဝ်ႈ လုင်းထုၼ်း ဢႃႇယု 44 ပီႊ ၸိုဝ်ႈပေႃႈ လုင်းယွတ်ႈသႅင် + ၸိုဝ်ႈမႄႈ ၼၢႆးမွင်ႇ လႄႈ ၸိုဝ်ႈမေးၼၢင်း ဢေးၶျူဝ်ႇ ၊ ၸိုဝ်ႈ လုင်းထုၼ်း ဢႃႇယု 44 ပီႊ ၸိုဝ်ႈပေႃႈ လုင်းယီႈဢွင်ႇ + ၸိုဝ်ႈမႄႈ ၼၢႆးၽွင် လႄႈ ၸိုဝ်ႈမေး ၼၢင်းၸၢမ် ၶဝ်သွင်ၵေႃႉၼႆႉ ပဵၼ်ၵူၼ်းတီႈဝၢၼ်ႈၸၢမ် ဢိူင်ႇဝၢၼ်ႈၸၢမ် ၸႄႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇ။

မိူဝ်ႈဝၼ်းထီႉ 25/10/2016 ၼၼ်ႉၵေႃႈ တပ်ႉသိုၵ်းၸိုင်ႈတႆး RCSS/SSA ပွႆႇပၼ်ၵူၼ်းတိတ်းၸပ်း ယႃႈမဝ်းၵမ် 3 ၵေႃႉ ဢၼ်လႆႈမူၼ်ႉမႄးတူဝ်ၸႂ်ပၼ် ၼႂ်းၶၢဝ်းတၢင်းၼိုင်ႈလိူၼ်  ၊ ၸွမ်းၼင်ႇပေႃႇလသီႇ မုၵ်ႉၸုမ်း ၶွင်ႇသီႇဢဝ်ၶိုၼ်းၸိုင်ႈတႆး / တပ်ႉသိုၵ်းၸိုင်ႈတႆး မီးၼၼ်ႉ တေၶတ်းၸႂ်ႁဵတ်းသၢင်ႈၵႂႃႇလႄႈ တေႁူမ်ႈမိုဝ်းၵၼ်တင်း ပေႃႈမႄႈၵူၼ်းမိူင်းၸိုင်ႈတႆးသေ တေႃႇသူႈၸွမ်းၵၼ်ၵႂႃႇ ၼႆယူႇယဝ်ႉ။

တႆးလွတ်ႈလႅဝ်း

  • Written by သူၺ်ႇဢေး
  • Hits: 267

ယွၼ်ႉပၵ်းပိူင်တိယႃႈမဝ်းၵမ် ၶႄႇ-မၢၼ်ႈ ဢမ်ႇငမ်ႇမႅၼ်ႈၵၼ်လႄႈ ၵူၼ်းၵႃႉၶၢႆယႃႈမဝ်းၵမ် ဢဝ်တိုဝ်ႉတၢင်း ၵႃႉၶၢႆလိူင်ႇၽႄႈၼမ်

ၼႂ်းၵႄႈၵၢင် ပၵ်းပိူင်တိၺွပ်းၵၢၼ်ၵႃႉၶၢႆ ယႃႈမဝ်းၵမ်သွင်မိူင်း မိူင်းမၢၼ်ႈလႄႈ မိူင်းၶႄႇ ဢမ်ႇငမ်ႇမႅၼ်ႈၵၼ်လႄႈ ၵူၼ်းၵႃႉၶၢႆယႃႈမဝ်းၵမ် ၸိူဝ်းယူႇၸွမ်းလႅၼ်လိၼ် ဢဝ်တိုဝ်ႉတၢင်းၽွၼ်းလီသေ တေႃႉသူင်ႇၵႃႉၶၢႆၵၼ်လႆႈ ငၢႆႈငႅမ်ႈႁႅင်းလိူဝ်။



ယွၼ်ႉလွင်ႈၼႆႉသေ ႁဵတ်းႁႂ်ႈ ၵူၼ်းၵႃႉၶၢႆယႃႈမဝ်းၵမ် လုၵ်ႉမိူင်းၶႄႇ တေႃႉသူင်ႇၵႃႉၶၢႆယႃႈ ၸူးမိူင်းမၢၼ်ႈသေ ဢဝ်ၼမ်ႉတွၼ်းမၼ်း ၼမ်လိူဝ်ႁႅင်း၊ ၽူႈမီးၸၼ်ႉ ၽၢႆႇၽဵဝ်ႈမူၺ်ႉယႃႈမဝ်းၵမ် မိူင်းမၢၼ်ႈၸဝ်ႈၼိုင်ႈၵေႃႈ လၢတ်ႈဝႃႈ “မိူင်းၶႄႇၼႆႉ ပေႃးၶဝ်တိၺွပ်းလႆႈ ၵူၼ်းၵႃႉၶၢႆယႃႈမဝ်းၵမ် မိူၼ်ၼင်ႇ တိလႆႈယႃႈမႃႉ ၼႂ်းမိုဝ်းၵူၼ်းၵႃႉယႃႈၼၼ်ႉ မွၵ်ႈ(30)မဵတ်ႉ ၼႆၵူၺ်းတေႉ ၽၢႆႇၶဝ်ဢမ်ႇဢဝ်လိူင်ႈမၼ်း၊ ၵူၺ်းၵႃႈ ၽၢႆႇႁဝ်းၶႃႈသမ်ႉဢဝ်လိူင်ႈမၼ်း၊ ယွၼ်ႉၼၼ် ယႃႈမဝ်းၵမ် ယႃႈမႃႉၸိူဝ်းၼႆႉ လုၵ်ႉမိူင်းၶႄႇသေ ၵႃႉၶၢႆၸူးမိူင်းမၢၼ်ႈ ၸွမ်းလႅၼ်လိၼ် ၵူၼ်းၵႃႉၶၢႆယႃႈ ၸိူဝ်းၼႆႉ ဢဝ်လွၵ်းၽွၼ်းလီဢၼ်ၼႆႉသေ မီးလွင်ႈတေႃႉသူင်ႇငၢႆႈငႅမ်ႈ ၵႃႉၶၢႆဝႆႉတင်းၼမ်”ဝႃႈၼႆ။

ၼွၵ်ႈသေၼၼ်ႉ ၶိုၼ်းသိုပ်ႇလၢတ်ႈဝႃႈ ယႃႈမႃႉၼႂ်းမိူင်းမၢၼ်ႈ လိူင်ႇၽႄႈၼမ်မႃးၵေႃႈ ယွၼ်ႉမိူင်းၶႄႇ ၶဝ်ႈမႃးၸူးမိူင်းတႆးသေ ဢဝ်ၸွတ်ႇတူဝ်ႈမိူင်းႁူမ်ႈတုမ်ႈမၢၼ်ႈၵႂႃႇ ၼႆယဝ်ႉ။

ၼင်ႇႁိုဝ် ပၵ်းပိူင်ၵုမ်းထိင်းယႃႈမဝ်းၵမ်သွင်မိူင်း တေငမ်ႇမႅၼ်ႈၵၼ်ၼၼ်ႉ ပေႃးထိုင်မႃး ဝၼ်းထီႉ-28 တေႃႇထိုင် ဝၼ်းထီႉ-30 လိူၼ် October.20014 ၼႆႉ ၸုမ်းၶွမ်ႇမသျိၼ်ႇ ၽၢႆႇၵုမ်းထိင်းယႃႈမဝ်းၵမ်ၸိူဝ်ႉၸၢတ်ႈ ၸိုင်ႈမိူင်းၶႄႇ တေၶဝ်ႈဢုပ်ႇမိူင်းႁူမ်ႈတုမ်ႈမၢၼ်ႈ တီႈႁူင်းလိုဝ်ႈသဝ်း ၵၢၼ်ႇတေႃႇၵျီး ပျႄးလိတ်ႉသ် (Kandawgyi Palace Hotel) ၼႂ်းဝဵင်းလူင်တႃႈၵုင်ႈ ၼႆယဝ်ႉ။

ပၢင်ၵုမ်ဢုပ်ႇဢူဝ်းၵဵဝ်ႇၵပ်း ပၼ်ႁႃလူင်ယႃႈမဝ်းၵမ် ၸိုင်ႈမိူင်းမၢၼ်ႈလႄႈ မိူင်းၶႄႇၼႆႉ ပေႃးဢုပ်ႇၵၼ်ထႅင်ႈပွၵ်ႈၼႆႉၼႆ ပဵၼ်ၵႂႃႇပွၵ်ႈၵမ်း(12)ယဝ်ႉလႄႈ တင်ႈတႄႇမိူဝ်ႈပီႊ 2001 တေႃႇထိုင်မိူဝ်ႈလဵဝ် သွင်မိူင်း လႆႈဢုပ်ႇလူင်းလၢႆးမိုဝ်းႁူမ်ႈၵၼ်မႃး လၢႆပွၵ်ႈလၢႆၵမ်းသေတႃႉ ၵူၺ်းၵႃႈ ၵၢၼ်ၽဵဝ်ႇယႃႈမဝ်းၵမ် သွင်မိူင်းပႆႇၶိုပ်ႈၼႃႈ တိူဝ်းတွၼ်းၶိုၼ်ႉသင်ႉသင်ၼႆ ၸဝ်ႈၼႃႈတီႈ ဢၼ်ယူႇၸွမ်းလႅၼ်လိၼ်ၵေႃႉၼိုင်ႈ ထတ်းသၢင်လၢတ်ႈၵႂႃႇ ၼင်ႇၼႆ။

တႆးလွတ်ႈလႅဝ်း

http://www.taifreedom.com/shan/index.php/joomla/rave-blog/942-2014-10-27-04-42-58

  • Written by SN
  • Hits: 850

Drug Burning Ceremony by SSA on World Anti-Narcotic Day

On 26 June 2016, the drug burning ceremony led by Captain. Sai Sai Wan in Wan Pang was attended by RCSS/SSA's
representatives - Col. Sai Wun Khur, Col. Sai Yawd Muang, villagers and some news reporters.

RCSS' statement on World Anti-Narcotic Day was read by Col. Wun Khur and the drugs burnt were seized rwithin Wanpang region.

On the same day, RCSS Anti-Narcotic Committee members attended the "International Day Against Drug Abuse Illicit Trafficking Ceremony" in Taunggyi.

  • Written by RCSSANC
  • Hits: 1099

ပၢင်ၽဝ်ယႃႈမဝ်းၵမ်ဝၢၼ်ႈပၢင်ႇ

ၶုၼ်သိုၵ်းလူင် ၸၢႆးသၢႆဝၼ်း တပ်ႉ 371 ၶွင်ႇသီႇ ဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး (RCSS/ SSA) ဢွၼ်ႁူဝ်ၸတ်းႁဵတ်း ပၢင်ၽဝ် ယႃႈမဝ်းၵမ် တီႈဝၢၼ်ႈပၢင်ႇ ဢိူင်ႇဝၢၼ်ႈႁႅင်ႈ ၸေႈဝဵင်းလၢႆးၶႃႈ။
မိူဝ်ႈဝၼ်းထီႉ 26.06.2012 ဝၼ်းၽဵဝ်ႈမူၺ်ႉ ယႃႈမဝ်းၵမ် ဢၼ်ၶုၼ်သိုၵ်းလူင် ၸၢႆးသၢႆဝၼ်း ဢွၼ်ႁူဝ် ၸတ်းႁဵတ်းၵႂႃႇတီႈ ဝၢၼ်ႈပၢင်ႇၼၼ်ႉ ၽူႈတၢင်တူဝ် ၶွင်ႇသီႇ ဢဝ်ၶိုၼ်းၸိုင်ႈတႆး တပ်ႉသိုၵ်းၸိုင်ႈတႆး RCSS/ SSA ၸဝ်ႈသိုၵ်း ၸၢႆးဝုၼ်းၶိူဝ်း၊ ၸဝ်ႈသိုၵ်း ၸၢႆးယွတ်ႈမိူင်း လႆႈၶိုၼ်ႈႁွတ်ႈ ၶဝ်ႈပႃး ႁဵတ်းသၢင်ႈလႄႈ ၵူၼ်းဝၢၼ်ႈ ၵူၼ်းမိူင်း လိူဝ်ၼၼ်ႉ ၼၵ်ႉၶၢဝ်ႇ AP, DVP, Sky Net ၸိူဝ်းၼႆႉ ၶဝ်ႈႁွတ်ႈ။

ၼႂ်းၼၼ်ႉ ၸဝ်ႈသိုၵ်း ၸၢႆးဝုၼ်းၶိူဝ်း လူဢၢၼ်ႇ လိၵ်ႈပိုၼ်ၽၢဝ်ႇ ၵဵဝ်ႇၵပ်းလူၺ်ႈ လွင်ႈၽဵဝ်ႈမူၺ်ႉ ယႃႈမဝ်းၵမ်သေ ဢၼ်လႆႈၽဝ် ယႃႈမဝ်းၵမ်ၼၼ်ႉ ပဵၼ်ယႃႈမဝ်းၵမ် ၸိူဝ်းသိမ်းလႆႈ ၼႂ်းပွတ်းတွၼ်ႈ ဝၢၼ်ႈပၢင်ႇၼႆယဝ်ႉ။

ဝၼ်းသၢၼ်ၶတ်း ယႃႈမဝ်းၵမ် ၼႂ်းဝၼ်းလဵဝ်ၵၼ် တီႈတူၼ်ႈတီးၼၼ်ႉၵေႃႈ ၶွမ်ႇမတီႇ ၽၢႆႇၽဵဝ်ႈမူၺ်ႉ ယႃႈမဝ်းၵမ်ႇ ၶွင်ႇသီႇ ဢဝ်ၶိုၼ်းၸိုင်ႈတႆး လႆႈၶိုၼ်ႈႁွတ်ႈ။ ယိင်းလၢဝ် လၢႆးငၢၼ်း။

 

  • Written by RCSSANC
  • Hits: 1098